লখিমপুৰৰ চিয়াজুলিত বনৰীয়া হাতীৰ উপদ্ৰব, নিশা দীৰ্ঘা নাহৰবাৰীত দুজন লোকৰ বাৰীত সোমাই ভাঙি খাই তহিলং কৰিলে তামোল, কলগছ

লখিমপুৰ জিলা বন সংমণ্ডলৰ অধীনৰ তথা কাকৈ সংৰক্ষিত বনখণ্ডৰ অন্তৰ্গত চিয়াজুলিৰ দীৰ্ঘা নাহৰবাৰীত পুনৰ আৰম্ভ হৈছে বনৰীয়া হাতীৰ উপদ্ৰব। জানিব পৰা মতে, কালি নিশা কাকৈ বনখণ্ডৰ অন্তৰ্গত  দীৰ্ঘা বনাঞ্চলৰ পৰা ওলাই অহা এটা বনৰীয়া হাতীয়ে দীৰ্ঘা নাহৰবাৰী গাঁৱত কেইবাগৰাকী লোকৰ বাৰীত জেওৰা ভাঙি সোমাই কলগছ, তামোল গছ, নাৰিকল গছ ভাঙি খাই তহিলং কৰাৰ লগতে সজাল ধৰা পথাৰৰ ধান খাই নষ্ট কৰে। হাতীয়ে গাঁৱখনৰ মাধৱ ছেত্ৰী আৰু সূৰ্য্য বাহাদুৰ ৰাইৰ বাৰীত সোমাই তামোল, কল, নাৰিকল গছ খাই ভাঙি তহিলং কৰাৰ লগতে গোপাল ছেত্ৰীৰ ধাননি পথাৰত সোমাই ধান খাই নষ্ট কৰে।