ৰঙামাটিৰ বিশিষ্ট সমাজসেৱক তথা অৱসৰী শিক্ষক কামাল পাশা চৰকাৰৰ পৰলোকপ্ৰাপ্তি: অঞ্চলটোত গভীৰ শোকৰ ছাঁ

ৰঙামাটি:

ৰঙামাটি অঞ্চলৰ বিশিষ্ট সমাজসেৱক, নীতিনিষ্ঠ অৱসৰী শিক্ষক তথা সকলোৰে অতি মৰমৰ আৰু শ্ৰদ্ধাৰ ব্যক্তি কামাল পাশা চৰকাৰৰ আকস্মিক বিয়োগ ঘটিছে। তেখেতৰ মৃত্যুৰ বাতৰি প্ৰচাৰ হোৱাৰ লগে লগেই সমগ্ৰ ৰঙামাটি অঞ্চলত গভীৰ শোকৰ ছাঁ পৰিছে।

​এজন আদৰ্শ শিক্ষক হিচাপে শিক্ষা প্ৰসাৰৰ লগতে সমাজৰ হিতৰ্থে তেখেতে আগবঢ়োৱা অৱদান অতুলনীয়। পৰোপকাৰী গুণ, অমায়িক ব্যৱহাৰ আৰু সদায় সহায়ৰ হাত সম্প্ৰসাৰিত কৰা মানসিকাৰ বাবে তেখেত সকলোৰে মাজত স্মৰণীয় হৈ আছিল।

​তেখেতৰ মৃত্যুত স্থানীয় ৰাইজে কয় যে, “এজন ভাল মানুহৰ বিদায় কেৱল এটা পৰিয়ালৰ বাবেই নহয়, সমগ্ৰ সমাজখনৰ বাবেই এক অপূৰণীয় ক্ষতি।”

​বিভিন্ন অনুষ্ঠান-প্ৰতিষ্ঠান আৰু স্থানীয় ৰাইজে তেখেতৰ শোকসন্তপ্ত পৰিয়ালবৰ্গলৈ গভীৰ সমবেদনা জ্ঞাপন কৰিছে। মহান আল্লাহৰ ওচৰত প্ৰাৰ্থনা জনাই সকলোৱে তেখেতৰ বিদেহ আত্মাৰ চিৰশান্তি আৰু জন্নাতুল ফিৰদাউছ কামনা কৰিছে।

Leave a Reply

BP NEWS Live
Logo Monday, 16 November 2026
Login / Register