🔥 ডিব্ৰুগড়ৰ উদয়পুৰত দোকানত ভয়ংকৰ অগ্নিকাণ্ড

ডিব্ৰুগড়ৰ উদয়পুৰত বৃহস্পতিবাৰে সন্ধিয়া এখন দোকানত হঠাৎ অগ্নিকাণ্ড সংঘটিত হয়। দোকানখনত জুইৰ লেলিহান শিখা দেখা পোৱাত সমগ্ৰ অঞ্চলটোত আতংকময় পৰিস্থিতিৰ সৃষ্টি হয়।

অগ্নিকাণ্ডৰ খবৰ পোৱাৰ লগে লগে অগ্নিনিৰ্বাপক আৰু জৰুৰীকালীন সেৱাৰ কৰ্মীসকল ঘটনাস্থলীত উপস্থিত হৈ জুই নিৰ্বাপণৰ কাম আৰম্ভ কৰে। বহু সময়ৰ প্ৰচেষ্টাৰ অন্তত জুই নিয়ন্ত্ৰণলৈ আনিবলৈ সক্ষম হয়।

অগ্নিকাণ্ডৰ ফলত দোকানখনৰ যথেষ্ট পৰিমাণে সা-সামগ্ৰী ক্ষতিগ্ৰস্ত হোৱাৰ আশংকা কৰা হৈছে। অৱশ্যে এই পৰ্যন্ত অগ্নিকাণ্ডৰ সঠিক কাৰণ আৰু ক্ষয়-ক্ষতিৰ পৰিমাণ জানিব পৰা হোৱা নাই। ঘটনাক কেন্দ্ৰ কৰি অঞ্চলটোত কিছু সময়ৰ বাবে আতংকময় পৰিৱেশৰ সৃষ্টি হয়।