- ছয়গাঁও মহাবিদ্যালয়ত উলহ-মালহেৰে নৱাগত আদৰণী সভা
নতুন মুখৰ হাঁহিৰে মুখৰিত মহাবিদ্যালয় চৌহদ
নতুন আশা, নতুন সপোন আৰু নতুন উদ্যমেৰে ছয়গাঁও মহাবিদ্যালয়ত অনুষ্ঠিত হয় নৱাগত আদৰণী সভা। মহাবিদ্যালয়ৰ নৱাগত ছাত্ৰ-ছাত্ৰীসকলক মৰম আৰু আন্তৰিকতাৰে আদৰণি জনোৱাৰ উদ্দেশ্যে আয়োজন কৰা হয় এই বিশেষ অনুষ্ঠান।
নতুন শিক্ষাৰ্থীসকলৰ আগমনে মহাবিদ্যালয়ৰ পৰিৱেশত সৃষ্টি কৰে এক আনন্দমুখৰ পৰিৱেশ। জ্যেষ্ঠ ছাত্ৰ-ছাত্ৰীসকলে নৱাগতসকলক উষ্ম আদৰণি জনোৱাৰ লগতে পৰস্পৰৰ সৈতে চিনাকি আৰু ভাতৃত্ববোধ গঢ়ি তোলাৰ এক সুন্দৰ পৰিৱেশ সৃষ্টি কৰে।
অনুষ্ঠানত মহাবিদ্যালয়ৰ শিক্ষক-শিক্ষয়িত্ৰীসকলে নৱাগত ছাত্ৰ-ছাত্ৰীসকলক শুভেচ্ছা জ্ঞাপন কৰি নিয়মিত অধ্যয়ন, শৃংখলা আৰু সৃষ্টিশীল কৰ্মৰ জৰিয়তে মহাবিদ্যালয়খনৰ নাম উজলাই তুলিবলৈ আহ্বান জনায়।
নৱাগত আদৰণী সভাত বিভিন্ন সাংস্কৃতিক অনুষ্ঠান, গীত-মাত, নৃত্য আৰু মনোৰঞ্জনমূলক কাৰ্যসূচীয়ে অনুষ্ঠানটো অধিক আকৰ্ষণীয় কৰি তোলে। নৱাগত ছাত্ৰ-ছাত্ৰীসকলৰ মুখৰ হাঁহি আৰু উৎসাহে যেন নতুন শিক্ষাজীৱনৰ এক সুন্দৰ আৰম্ভণিৰ বাৰ্তাই কঢ়িয়াই আনে।
মৰম, আন্তৰিকতা আৰু আনন্দৰ ৰঙেৰে ছয়গাঁও মহাবিদ্যালয়ৰ চৌহদত অনুষ্ঠিত নৱাগত আদৰণী সভাই নৱাগতসকলৰ মনত সাঁচ বহুৱাই যায় এক স্মৰণীয় দিনৰ।
ছয়গাঁৱৰ পৰা প্ৰাণজিৎ মজুমদাৰৰ ৰিপোৰ্ট
