ডিব্ৰুগড়ৰ লেংদন বিতৰ্কক লৈ টাই আহোম ছাত্ৰ সন্থাৰ মন্তব্য
ডিব্ৰুগড়ত লেংদনক কেন্দ্ৰ কৰি সৃষ্টি হোৱা বিতৰ্কই পুনৰ চৰ্চা লাভ কৰিছে। এই বিতৰ্কক লৈ এইবাৰ মুখ খুলিছে ডিব্ৰুগড় টাই আহোম ছাত্ৰ সন্থাই।
লেংদনৰ ঐতিহাসিক আৰু সাংস্কৃতিক গুৰুত্বৰ প্ৰসংগ উত্থাপন কৰি সংগঠনটোৱে কয় যে, লেংদনক লৈ কোনো ধৰণৰ বিভ্ৰান্তিকৰ মন্তব্য বা তথ্যই অসমৰ ইতিহাস আৰু টাই আহোম জনগোষ্ঠীৰ ঐতিহ্যক অৱমাননা কৰিব নালাগে।
সংগঠনটোৰ দাবী—লেংদন সম্পৰ্কীয় বিষয়সমূহ ইতিহাস, পৰম্পৰা আৰু প্ৰামাণিক তথ্যৰ আধাৰতহে আলোচনা কৰা উচিত। লগতে বিতৰ্কিত মন্তব্যৰ জৰিয়তে যাতে সমাজত ভুল বাৰ্তা নাযায়, তাৰ প্ৰতিও সতৰ্ক হ’বলৈ আহ্বান জনায় টাই আহোম ছাত্ৰ সন্থাই।
ইফালে, সমগ্ৰ বিষয়টো সন্দৰ্ভত প্ৰয়োজনীয় পদক্ষেপ গ্ৰহণৰ বাবেও সংশ্লিষ্ট পক্ষক আহ্বান জনাইছে সংগঠনটোৱে।
লেংদনক লৈ সৃষ্টি হোৱা এই বিতৰ্কই আগন্তুক সময়ত কি ৰূপ লয়, সেয়া এতিয়া লক্ষণীয়।
